يا جماعه انتو ليه مش عاوزين تقتنعو ان النت ده ما هو الا وسيله وسبب مش اكتر
يعنى مثلا منت بتكلم بنات كتير على النت اشمعنى البنت دى بالذات اللى قلبك راح لها
الحب لا ارادى مش بنفكر فيه قبل ما نشعر بيه
وممكن تعرف البنت دى فى اى مكان فى وسيله مواصلات او فى الجامعه او........النت برضو وسيله زيهم
وده مش معناه ان كل البنات اللى بتتكلم على النت مش مؤدبين
كونها انها تقولك انها بتحبك وتتصرف معاك على هذا الاساس ده لانها بتحبك انت بس مش لازم تكون قالت الكلام ده لمئه واحد
زيك انت كمان اكيد مش هتقول الكلمه دى الا للى تحبها وبس هل معنى كده انها ترجع تقولك منت قلت الكلام ده لبنات كتير ع النت
الحب حاله وجدانيه رائعه بلاش تفسدوها بالافكار السيئه دى
وكمان عاوزه اقول كلمه اخيرة
تضمن منين ان البنت اللى مش بتدخل النت مش بتعرف اولاد او بتكلمهم فى الموبايل او حتى بتقابلهم
هتعرف انت ازاى الحاجات دى هتقول سمعتها كويسه وسمعه اهلها من ادراك يمكن بيحصل من وراهم
كل شئ جايز
عشان كده لازم طالما البنت وثقت فى الولد اللى بتكلمه واديته حبها هو كمان لازم يثق فيها وبلاش يفسد علاقتهم بالشك
ولازم تحاسب البنت على سلوكها وتصرفاتها معاك من اول ما عرفتها زى ما هى اكيد هتعمل
الثلاثاء 16 أكتوبر - 19:56
